Ikasturte berria hasi dugu

2019-2020 ikasturtea

 

EAE-ko maketak

Lehen Hezkuntzako bostgarren mailako ikasleek Euskal Automoni Erkidegoko (EAE) mapa fisikoaren maketa ederrak egin dituzte. Maketa hauetan ikasleek Euskadiko ibaiak eta mendiak jarri dituzte, eta bakoitzak nahi izan dituen materialak erabili ditu.

LH5-A klaseko ikasleen maketak

LH5-B klaseko ikasleen maketak

Bizibideak proiektua

Martxoaren 22an LH4 eta LH6 mailako hamar ikasle Sakonetan izan ziren Bizibideak proiektuak antolaturiko ekintza batean parte hartzen, Altzagako ikasleekin batera eta Solasguneko laguntzarekin. Lau taldetan antolatu zituzten eta talde bakoitzak arazo bati erantzuna eman behar zioten: eguneroko ibilbide batetik abiatuz, ibilbide hoberena aukeratu behar zuten, denbora, erre dituzten kaloriak, eta kutsatu duten ala ez nehurtuz. Arazo guztiak ezberdinak ziren eta amaitzerakoan talde bakoitzak beste taldekoei azaldu zien bere kasua. Oso ondo antolatuta egon zen eta bikain pasatu zuten.

 ARGAZKIAK >> Bizibideak proiektua 2019-23-22

Galindoko Hondakin Uren Araztegiara bisita

Otsailaren 25ean 6. mailako ikasleek (LH6) Galindoko Hondakin Uren Araztegia bisitatu genuen. Bertan, Deustuko Inspira-Steam proiektuan parte hartu duen mentore batek lan egiten du eta berarekin batera araztegia bisitatu genuen. Oso interesgarria iruditu zitzaigun eta gure mentorea izandakoarekin berriz aurkitzeko aukera izan genuen!!

Galindoko Hondakin Uren Araztegia, Sestaon, Bilbo-Bizkaia Ur Partzuergoak duen saneamendu lan nagusia da. 1985ean hasi ziren eraikitzen, eta funtsezkoa izan da ingurunea hobetzeko eta gure ibai, itsasadar eta hondartzen irudi berrirako. 1990. urtean Galindoko HUAko lanak amaitu zituztenetik, 350.000 metro kubiko hondakin-ur arazten dira egunero.